Plantun de Prouvènço

Pèr coumpara dos planto d'encò nostre

Vaccaria hispanica & Polycarpon tetraphyllum subsp. tetraphyllum

Vaccaria hispanica

Caryophyllaceae

Noms en français : Vachère, Saponaire des vaches.

Descripcioun :
Lou cauril-sauvage trachis dins li meissoun e lis ermas. Ié dison qu'es uno arqueoufito que nous vèn d'Anatolìo desempièi de siècle emé li gran de blad. Emé la criblo se vèi de mens en mens aleva en Auto Prouvènço. Se recounèis eisadamen à si flour roso pourtado pèr de long pecou e à si fueio verdalo e en lanço.

Usanço :
Es esta cultiva en mescladisso emé lou blad e la luserno pèr li vaco, que parèis qu'èi bono pèr ié faire veni lou la. Aquesto prouprieta se retrovo encò de la femo e toco tout ço qu'es en raport emé la femenita (enmenagogo, enflamacioun di teté, analgesico). Tout acò èi bessai de vèire emé la formo de la flour (principe di signaturo). Se dis peréu qu'èi vertuouso pèr la circulacioun dóu sang.

Port : Erbo
Taio : 10 à 60 cm
Fueio : óupousado
Tipe bioulougico : Teroufite
Cicle bioulougico : Planto de l'an

Gènre : Vaccaria
Famiho : Caryophyllaceae

Coulour de la flour : Roso
Petalo : 5
Ø (o loungour) flour : 1 à 1,5 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Jun à juliet

Liò : Meissoun - Champ - Ermas
Estànci : Termoumediterran à Mountagnard
Couroulougi : Subrecousmoupoulito
Ref. sc. : Vaccaria hispanica (Mill.) Rauschert, 1965

Poulicarpe(-di-quatre-fueio)

Polycarpon tetraphyllum subsp. tetraphyllum

Caryophyllaceae

Nom en français : Polycarpe à quatre feuilles.

Descripcioun :
Es uno pichoto planto, sènso péu e proun ramificado, que rebalo au sòu e que pièi se levo un pau. Li fueio soun redouno o un pau en lanço e sèmblon souvènt èstre estacado pèr 4 (2 fueio óupousado e 2 fueio d'un bourroun). Trachis dins li tepiero seco e courto souvènt dins la sablo.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 20 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Polycarpon
Famiho : Caryophyllaceae

Ordre : Caryophyllales

Coulour de la flour : Verdo
Petalo : 5
Ø (o loungour) flour : 1,8 à 2,4 mm
Flourido : Printèms - Estiéu - Autouno

Sòu : Si (Ca)
Autour basso e auto : 0 à 800 m
Aparado : Noun
Mars à óutobre

Liò : Tepiero sablouso - Tepiero roucaiouso - Trepadou - Ermas
Estànci : Termoumediterran à Coulinen
Couroulougi : Mediterrano-atlantico
Ref. sc. : Polycarpon tetraphyllum subsp. tetraphyllum (L.) L., 1759

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vaccaria hispanica & Polycarpon tetraphyllum subsp. tetraphyllum

ges

Coumpara Cauril-sauvage emé uno autro planto

Coumpara Poulicarpe(-di-quatre-fueio) emé uno autro planto